الفرق بين الجملة الأولى و الثانية ؟ اين اجد سلع بالجملة في مدينة الدارالبيضاء ؟
سمحو ليا غانتكلم بعصبية لكن هادشي راه بزاف
انا بغيت غي نفهم بعض الناس لي داخلين لمجموعات الفيسبوك او الواتساب و كي بداو يقولو بغينا هادي ولا هادي بثمن الجملة الاولى . و يزيدو يكتبو الشناقة لا هههه
واش شاربين دواكم ولا لا؟ ça va pas non ? Are you ok?
واش انتم جالسين فديوركم و باغيين بنادم يتسخر عليكم فابور ههه . كاتستخسرو فالبشر ديك 10 ولا 5 دراهم!!؟ .
اجي بعدا واش انتم عارفين معنى جملة الاولى و الجملة الثانية ؟ وواش عارفين الفرق بين الشناق و السمسار . و شنو معنى شناق و علاش و علامن خرجات ؟
ولا غير سمعتو هاد جوج كليمات فشي قنت و فرعتو لينا راسنا بيهم!؟
انتَ وانتِ لي داخلين لمجموعة و كاتقلبو على الجملة الاولى و الرخاء اجي نفهمكم القضية كيفاش باش ما تبقاوش غالطين لانكم فاشكاتقولو هاد الكلمات راه من طيارة كاتعرفو انكم مبتدئين و اي واحد راه يديرها بيكم .
1 . الجملة الاولى معناها الجملة لق كاتخرج من المعمل او المصنع مباشرة و هادي كاتكون رخيصة ما بين 15 و 20 درهم فالبياسة لكن راه مستحيل يبيعلك اىمعمل اقل من 100 حبة فالحاجة . و كاين المعمل لي تي قول 500 حبة مخلطة 100. 100 من كل موديل
2. لي كي شري بالجملة الاولى هما محلات الخاصة بببع الجملةو لي كاينين فدرب عمر كراج علال القريعة....
خلينا من قيساريات. سارة و الامراء لي كايعطيوكم الشحطة على النيف و قالب5/5 انا اتكلم عن المحلات الخاصة بالجملة و هما منيين كايشريو دوك المحلات كاملة لي فكازا و لي بدورهم كي عاودو البيع اما بالجملة فقط او بالجملة و التقسيط . يعني كي بيعو بالجملة الثانية
3 . ها حنا وصلنا للجملة الثانية و هي لي عند اصحاب المحلات الصغرى لي فكازا درب عمر كراج علال..... بحال قيساريات ...
اذا الى المحلات منين كي تقداو الشناقة و منين كاتقداو انتم نيت الى مشيتو لكازا كي بيعو بالجملة الثانية. على اشمن جملة اولى كاتقلبو هههههه اوا شتي القالب فين كاين. هانتما صدقتو مصيدين
4 و اخيرا . راه الشناق كي استرزق الله وكي خفف عليكم بدل ما تسخسخو و تخسرو مصاريف المواصلات و الاكل و الشرب و الثقل ...... كي زيد هو 10 ولا 5 دراهم فالبياسة و كي سيفطها حتال عندكم و هو لي كي تسخسخ مسكين .
راه ممكن تمشيو حتااال كازا و بلاصة الجملة و تهزو قالب 5/5 و ترجعو فرحانين . لانه الى ماكنتيش ولد الحرفة يديروها بيك السمسارة . لي كي كونو دايرين اليد مع اصحاب المحلات كي كاتوقف فالمحل كي جي لعندك كي سحابلك انت راه مول شي وهو غي سمسار و جعبتو تما و كاين لي مول المحل و كي خدم معاك تسمسير . و كي بيع ليك بثمن. خيالي ناقس على التقسيط غي ب 20 درهم . و هادشي. كاين فقيساريات سارة و الامراء لي. ذكرتهم من قبل
يالاه هاني شرحت ليكم. باش ما تقولبوش يالاه باي .
🤗شي دعوة الخير واخا كلامي عصبي شوية اه و حتى لي بغى يسبني هانية مقبولة منك. ربي يخلص كل واحد على قد نيتو
تعليقات
إرسال تعليق