1- اول حاجة خاصك تشوفها ف ecom maroc وتخدم عليها هي الشخصية ديالك، واش انت صبار؟ واش قادر عندك قدرات تواصل مع الزبائن؟ و اش ملتازم.الا ماكانوش هادو خاصك تخدم عليهم حيت هاد ضومين تايبغي الصبر بزاااف
2- واش عندك المؤهلات؟ قاري شوية على ديزاين؟ ماشي خاص تعرف فوطوشوب مثلا ، دابا تقدر تخدم غير ب canva وتخرج ديزاين زوين. واش قاري على فيسبوك و انستغرام؟ واش كاتعرف excel؟ باش تقدر تجيري لي كموند. الا ماكانش عندك هادشي سير انفيستي فنفسك هي الاولى عاد دخل لدومين حيث فهاد السنوات الاخيرة ديال 2018 و 2019 و حاليا ف 2020 ولا من الضروري اتعلم فهاد الاشياء اللي ولاو من الاساسيات
3-دابا عندك الشخصية و المؤهلات اللازمة، خاصك تختار produits. سؤال واحد لي نصحك بيه في عالم ال e commerce local maroc واش produit لي غادي تبيع الا عرضوه عليك غادي تشريه؟ غادي تشري هاديك الجودة بهداك الثمن؟ الا كان الجواب نعم توكل على الله، الا كان لا نصحك بلا ماتبيعو . فكر تربح لكليان و الاسم ديالك في السوق و ناس ياخدو و يرجعو عندك ماشي تركز على رباح باي وجه كان حيت انت لي غادي تخسر.
4- خدمم على براند و على لومبلاج ديالك، خدم لوكو زوين مع بانيير فيسبوك انستغرام زوينة وتكون page et profileديالك زوينين هداكشي منظم و متول و حاولو تحطو جميع المعلومات: الهاتف اثمنة المنتوجات اثمنة التوصيل......دخلو design trends وخودو افكار ديزاين. را عندو اثر كبير على اتخاد القرار عند الزبائن.
5- تواصل معاك شي زبون ماتعطلش الجواب حاول تكون اخلاقي معاه وكلماتك تكون زوينة و وعطيه وقتو واخا ماغاديش يشري و باغي غير يصدعك هنا فين تايخدم الصبر.
6-جاب الله تيسير و جات كموند فيكسي مع الزبون الثمن و ثمن التوصيل مع مدة التوصيل و حاول تكون عندك الكلمة وتكون ملتزم. قيد كموند ديالك ديك الساعة ف اكسيل مع جميع طلبيات ديال اليوم و الغد ليه حطهم عند l agence de livraison
7- بنسبة les agences de livraison حاولو تخدمو مع زوج ولا 3 لي يكونو ثقة و عندهم اسم فسوق و توصيل سريع.
8-من بعد توصيل مافيها باس تعاود تواصل مع الزبون تسولو واش وصلاتو الكموند؟ كي جاتو؟ وكيفاش كانت خدمة التوصيل؟ باش حتا انت تقيم المنتوج ديالك و الخدمة. دير سكرين للاجوبة الايجابية و حطها في فيسبوك و انستغرام باش يعطيو ثقة للزبائن جداد و يشجعوهم يشريو.
9- بالنسبة ل ads دير تجارب بدل audiences و ركز على السن و les interets. بالنسبة ليل ads لي تايكونو مربحة كاتكون مكتوبة بالفرنسية و تالقا تجتوب اكثر خميس جمعة سبت واحد.
10- بالنسبة les retours تبعت هاد طريقة لي ما جاوبش ليفرور كااااع تاندخل ليه تانحط ليه ميساج فيه انه ضيع لينا مجهود وقت و فلوس. هاد مرة الا ماكانش باغي الكموند مايدوزهاش و تانبلوكي. ونفس الميساج درتو highlight story وراه باقي تما و الحمد لله هاد طريقة نقصو بيها لي روتور بشكل كبير.
نتمنى نكون فدتكم و ستافدتو
تعليقات
إرسال تعليق