إلا ماقدرتيش تدير لفلوس من راسمال ديال 1000dh فتيق بيا بلي ماغتقدرش تديرو واخة يعطيوك 100000dh..راسلمال كنظن فحالو فحال شي حاجة أبسطغي، مجردة، كل شخص وكيفاش كيتعامل معاها، طبعا كاين لي من 50dh دار 50.000dh كرا حانوت عمرو عطاه لشخص يحضيه و دار راسو بادي من زيرو وخدام باش يدير حانوت واحد أخر..
كاين لي من ل50.000dh هبط ل50dh و غتلقاه جالس عاصر على شي نص نص فصونطر ڤيل، وساخط بجهد..
الناس عقليات والعقليات كتختلف، كنتي فشكل راه من والو تقدر تدير بلانات واعرين.. ماكينش شي وصفة سحرية لي تقدر تقول عليها woow من غير حاجة وهيا هادي!
شوف دير ما أمكن تعزل راسك على لمحيط بدل لمفاهيم ديالك على لفلوس وشوفهم بمتابة فرصة ولو يكونو قلال.. ماتفكرش غير باش تعيش، اذا عندك 10dh خسر 2 خبي 8.. وحتى لاخسرتيها خسرها فامور مهمة، بحال مثلا صحة، كتوبة.. (ماتقولش 10 دراهم غاتدويني، حيت غتكون مكلخ انا غير عطيتك مثال ب10dh..)
النظرة ديالك لفلوس كل ماكانت زوينة غتولي حياتك زوينة، شفتيهم زهو وناشاط و دوران وتسركيل و حانات وحديد ماغيبقاوش..
واش عرفتي شحال من لاعب كرة قدم كان لاباس عليه وغير فاش كيعتزل وراها ب5 سنين كيضربو الافلاس؟
على جهد لعابة بزاف فحال هاكة، عرفتي علاش؟ حيت اغلبهم من عائلات فقيرة، كان المال كيشكل ليهم هو لماكلة و دوران و لحديد و سكرة وغيرها..
ماعمرهم كانو كيشوفو أن الفلوووس، فحال شي سيف دو حدين، يا تشدهم بلعقل حياتك، يا يشدوك بتسطية ولخسارة لخسارة.. بدل نظرتك غتكون مزيان.
أبار على لعابة دلكورة فحومتي زوج دراري ورتو 600 مليون لواحد.. دازت عامين، مابقا فراسمالهم والو.. رجعو كيخدمو ب50dh لنهار.. الا نتا دابا قلتي تفو على فرصة ضيعو تيق بيا، تقدر نتا تحقق ديك لفرصة ماشي بورتة بطبيعة الحال حيت باك مكفسة عليه ولكن تقدر تديرها بلخدمة.. ولخدمة أنواع
منقووول للاستفادة و التحفيز
تعليقات
إرسال تعليق