مشروع الدجاج البلدي

مشروع الدجاج البلدي : التكاليف و الارباح
شهادة مقاول مغربي في المجال :
السلام عليكم  بغيت نتكلم على مشروع الدجاج البلدي.. وندلي بالرأي ديالي فالموضوع على حسب تجربتي .اولا المشروع ناجح ولكن اذا صبرتي .. واحسبتيها مزيان خلينا من هاديك الحسابات الخاوية ديال نعمل 500 دجاجة تعطينا 500 او 300 بيضة فاليوم ضربها ف2دراهم هكذا عمرك لربحتي المشروع ديما خصك اتعول على الخسار ة فالاول حتى تكسب خبرة وتجربة عاد قول غادي نبدأ المشروع ...انا شخصيا هذه عام باش ابديت المشروع ..اومزال مبديت فعليا فالمشروع...غادي نشرحليكم كيفاش ...اولامعندي لا كوري لا غرسة لاوالو  ..أعملت براكة فالسطح 2مترعلى 3 و جهزتها بالسخانة والعلافات والشرابات.. و شريت فقاسة1000 بيضة وبديت انفقس..كتخرجلي مابين500حتى 600فلوس اذا بغيت اربيها خاصني المسرح والكوري  وخصني عساس لي يقابلها.اذا اذا حسبتها خاسر يعني المصاريف اكثر من الربح لان الدجاج البلدي خاصو 6 شهور عاد يوجد زائد العلف زائد لي ماتو زائد البوطات بلا الخدام لهذا أذا احسبتيها غادي أتكون خاسر.. لهذا خاصك ادرس المشروع بالعقل اذابغيتي تنجح ..لهذا بديت كنبيع الفلوس بمجرد ميتفقس وكسبت الكليان ولقيت راسي المهم رابح ولو داكشي قليل المهم هي كسب التجربة ولكليان.من بعد غادي اندوز للمرحلة الثانية وهي فقاسة ثانية ليكتهز اكثر حسب لكليان وحسب الطلب.املي انشوف راسي ماشي مزيان ننتقل للمرحلة الثالثة .. نكري الكوري والمسرح لأنها غادي اتكون عندي الإمكانيات مثلا ففقاسة للمصاريف والثانية كتبقى لي ارباح منبعد كندوز للمرحلة الرابعة  كنبدا أربي الدجاج لراسي مثلا واحد 1000  دجاجة معها الفروج خاصة للتفقيس باش منبقاش نشري البيض ..وكل شهر انخلي لراسي واد التفقيسة لي غادي توجد على خمس شهور او ستة عاد انبيعها من تم غادي اتولي كل شهر عندي دفعة دالجاج واجدة أغادي انبيعها بالثمن زائد البيض زائد الفلوس ديك الساعة عاد أتكلم على المشروع واش ناجح او لا...والله ولي التوفيق ولي انصح به هو الصبر وشوية بشوية أوعمرك ماتزرب...
إضافة : ثمن فقاسة البيض و أنواعها

* فقاسة جميع أنواع البيض *

     تعمل بنضام أوطوماتيكي في تعديل درجة الحرارة والرطوبة وكدالك في تقليب البيض :

الاثمنة :

    _48بيضة. :  1300dh

    _56بيضة  :  1500dh

    _72بيضة  :  1750dh

طبعا الاثمنة تقريبية ، على حسب جودة كل ألة تفقيس و كل شخص و شطارته في الشراء