مشروع لافاج في المغرب : غسل السيارات

سلام عليكم...اليوم نهدرو على مشروع غسل سيارات او اللافاج ، المتطلبات و المعدات لانجاح هذه المقاولة الصغيرة
اول شيء تفكر فيه لبغيتي دير لافاج هو موقع المحل خاص يكون فشارع مروج الا كان المحل مخبي غادي تعاني شوية باش تجيب كليان
ثاني حاجة و حتى هي مهمة بزاااااف هي الدراري لي غادي يخدمو معاك خاص يكونو ثقة و معلمين باش ميهربوش ليك الكليان
أما بالنسبة للأدوات فالتكلفة :
بالنسبة لماتريال الى كنتي غدير المكانة ديال 380 فولط عندك كوفلور 200 لتر شي حاجة مزيانة 7500 درهم بومبا د الما ديال ايطاليا 10000 حتى ل 12000 درهم ريسبيراتور جوج ماطر 3500 درهم الى كنتي غدير الزرابي لامون ابروس حاجة مليحة 10000 درهم . رولو تاع تيو د لكوفلور 1500 درهم .

 ثم المحل أو الكراج من الأحسن أن يكون يتوفر على مساحة

 (وهاذ نقطة لي عندو رأس مال صغير  يكون المحل صغير لإنقاص تكلفة الكراء لاحقاش كاين  شي مرات خدمة كتكون خارج المحل ايوا بلا ما يكون كبير المساحة وتكلفته غالية)

التجهيزات من أحسن تاخدهم مستعملين "قدام" 

ضروري من الرخصة من طرف البلدية لأنك غادي تستعمل الات تسبب الإزعاج

كاين لي كيدير البير داخل المحل ولكن  كاين حل آخر لهو الفلتر لى كيصفى الماء باش كتغسل ونقيه وكتعاود تغسل بيه أكثر من مرة زاد أن البريسيون ديال البومبا متضيعش الما بزاف

خاسك غير شي سيتيرنا تجمع فيها الماء ادوز تيو للبومبا وخدم مع راسك
لان البومبا مايمكنش ليك تبرونشيها مع الجعب ديال الماء ديريكت

تطوير المشروع :

المهم كانشوف أن هاد المشروع فالمغرب باقي تقليدي معناه لافاج الزوينة ها شنوا فيها
الماء + شامبوو+ aspirateur وشي برودوي ديال اللمعان .
هادشي مزيان و لكن معمري شفت شي لافاج كاتخدم البرودوي ديال الرغوة ولا شي برودوي مخصص مثلا فغسل البلاستيك ولا الروايد  ولا شي ماشين أوطوماتيك... إلخ .

حاجة أخرى نبغي نشير ليها هي التسويق ديالك لأي مشروع كيفما كان مثلا:
ماشي تكون عندك لافاج وتبقى تسنا حتا تجي عندك شي طوموبيل عطا الله الدراري اللي بروفيسيونيل فالمجال ديال التصوير و صور واحد الفيديو صغير كايمثل الخدمات اللي كاتقوم بيها و قاد شي كارد بسنيس و سير عند المحالات اللي كايبيعوا الطوموبيلات  و وريهم حرفتك ... إلخ

 دير لافتج اون بورتي (مشروع غسيل السيارات المتنقل )..وتمشي عند كليان حتى للدار أو مكان العمل  تغسل لهم سيارة ...و اعتمد على الاشهار

وتزيد الدخل  ديال زرابي وطلامط والمنطات بحكم دابا الاغلبية ديال العيالات خدامات تنفعهم يعني دير كارت فيزيت وتفرقها على الموظفات حتى ربات بيوت كاينة لمتقدرش تصبنهم لسبب ما مهم فكرة هي انك تنتاقل حتى لعندهم وتاخد زرابي او طلامت لغادي اتنضفو نظافة ماشي غير بالماء كيف كايدير اغلبية ديال لافاج ديال طومبيل لا هادو اكون اختصاص ديالهم هما زرابي وطلامت ومنطات يعني تبحت على لبرودوي ديالهم غادي دير تمن كل حاجة من تسالي درهم فلومبلاج وترجعهم يعني تسليم بالمجان وكاينين لي  محتاجين ليها الناس حيت أغلبية ساكنين فالشقق مكيلقاوش فين يصبنو.
وغادير فيه خدمات أخرى بحال فيدونج دالزيت و تبيع الاكسسوارات الخاصة بالسيارات...