مهارات البيع و الشراء

السلام عليكم و رحمة الله و بركاته
هذ اﻷيام جاءت احدى السيدات لتبيع مجموعة من المنتوجات ( صابون, معجون وفرشاة اﻷسنان, مواد التجميل ...) هذه السيدة تقصد المنازل وتحاول ايضا ان  تقنع الناس بالمنتوج هي وفريق عمل يكون في رفقتها ، لكن الغريب ف اﻷمر هو أن جل العائلات يحاولون التهرب من هذا النوع من الباعة والسبب هو أن المستهدفين ( الناس) يرون بان داك البائع يحاول ان يلصق بهم المنتوج بأي وسيلة. لهذا قررت ان اشارك معكم ملخص كتابين, ونستهدف بهده التدوينة جميع الشباب المقبلين على التجارة يوما ما , ولي ممساليش ضروري يخبي عندو هد النسخة حيت واحد النهار غتحتاجها. مهم الكتاب اﻷول ديال #توم بعنوان #كيف_تتقن_في_البيع والثاني ديال #روبرت بعنوان #التأثير_وسيكولوجية_اﻹقناع ... قلب فكرة الكتابين هو :
●التسويق ماشي هو محاولة التخلص من السلع وأخد الربح, التسويق هو عملية تحويل رغبة المستهلك لمنتج لي كيقابلو ربح ديالك (تعريف بسيط لتسويق من كتاب #أساسيات_التسويق_ل_فيليب_كوتلر )مهم أول حاجة خص ديرها أنت ك بائع هي #اﻹستهداف, فالمحيط ديالنا كاينين 3 أنواع من المشترين:
#الفئة_1: غتغلق الباب فوجهك.
#الفئة_2: يشد ليك الخاطر ويضيع ليك الوقت, وفالنهاية مغيشري والو.
#الفئة_3: غيشري المنتوج.
إذن أنت كبائع أش غتستافد من هذ التقسيم ؟ الجواب هو أنك أيها البائع خصك ترجع #الفئة2 ك #الفئة1 بهدف تتجنب ضياع الوقت والطاقة ومن الضروري تعرف أنه مغيشريش من اﻷول وبدون ضغط عليه. دابا جا الوقت باش نعرفو كيفاش أنت البائع تقنع المشتري بالمنتوج, وهنا كنتكلمو على #البائع_الماهر, خصك البائع تعرف جميع المعلومات على المنتوج باش تقدر تجاوب الزبناء, وكلامك عن المنتوج خص يلمس الزبون يعني تعرض كل المميزات والمنافع لي فالمنتوج, وهدي بعض الطرق لي ممكن تستعملها فاﻹقناع:
#التبادل: قبل البيع أعطي هدية صغيرة, وبعدها حاول تبيع, المستهدف غيحس بحال أنه بغا يرجع ليك الجميل وغيشري.
#التباين: بين أن منتوجك بحالو بحال شي منتوج واعر والفرق أنك نتا كتبيع رخيص.
#الصعوبة: تحاول تقنع الطرف اﻷخر أن منتوجك قليل وماشي أي واحد يقدر يلقاه.
#التشابه: تحاول تبين أنك متشابه مع المشتري ف الرأي باش يطمئن .
● خلاصة أنت ك بائع خصك تفكر فالمنتوج كيفاش يقدر يساعد الناس فحياتهم وتعتبر أن المال لي كتاخد ماشي ثمن المنتوج بل ثمن المساعدة وتحاول أن تؤمن بهد الفكرة ﻷن دلك غيبان فوجهك.
● هده بعض النصائح لي ممكن يخدم بيها البائع:
- لا تتفاعل في التفاوض حتى تخدم مصالحك.
- أضهر اﻹحترام وأكثر من نعم وقلل من لا.
- لا ترفض وأعد صياغة الجملة.
- لا تضغط.
- قدم أكثر من إختيار ...